الفار

بُصّو وْشوفو

يا ناس وَيّايا

دا الفار صار

يِركَب تُرْمايَة

فارنا ابو مِخْلَبْ

بقا لُهْ مَطلَبْ

وبقا لُهْ مَكْتَبْ

والجرنال بقا عنُّهْ بْيِكْتُبْ

بقا لُهْ سيمَةْ

ورايُهْ ليه قيمَةْ

وبقى ياكل عالوَجْبَةْ وَليمَة

والناس يبني طالبَة رِضاهْ

آل إيه خايفة العلقَةْ مَعاهْ

خايفين منّه ومن بلواهْ

وطالبين وِدْ الفار إيّاهْ

ليهْ يا جَماعّةْ بَس الخوف

دا الفار صار بحجم خروف

ومنه ياما الويل هنشوف

اصحو يا ناس بقا يلا وقومو

خلي الفار دا يقرّب يومو

عَرّوه من كدبه وهدومه

وخليه يرجع فار جربان

متل ما كان أوّلْ وجَعان

دا الفار مهما كِبِرْ واتكبَّرْ

حجمه صغير وهيفضَلْ يصغَرْ

لا تخَلّوه يعمَلْ ما بدا لُهْ

وتقولو فارْ ايه راحْ يِجرالُهْ

وهو يقول ويعيد موّاله

ويغنّيه بصباحُهْ وليلُهْ

ويجمع مالكُمْ ويصيرْ مالُهْ

ويبني قصور وفِلَلْ لِعيالُه

وانتم حالكم يِبقى عَحالو

ويْزيد جوعكُمْ وتِبدو تنوحو

والفار ده يِقْفِلْ على روحو

ويقول غورو يلاّ وروحو

يلاّ يا ناس نرميهْ بالنار

ده الفار كله بحجم عْيارْ

طخوه يلا ويبقى قتيلْ

وانتم تنسو مرار الويلْ

واوعو تخلو فيرانكمْ تكبَرْ

دا الفرعون من خوفكو اتكبّرْ

خلّيكو دايِمْ دوم حِذرينْ

وخلّو عيونكم دوم صاحيينْ

وخلي ايديكم يبقم واحدة

دي القوة متبقاش بالوِحدَةْ

خلي قلوبكم دوم على بعضْ

وخلي عنيكُمْ دوم عالأرضْ

دي مقامها بمَقامْ العرضْ

ولا تخلّو الفار يصول بيها

والجرذان تْعَمّر بيها

أو حد يبيع يشتري بيها

خلي عيونكو فِدا لعنيها

وازرعوا خيركم يِكبَرْ بيها

وادوها حب هتطرح حب

وادعو وقولوا احميها يا رب

وخلوها منكو مقام القلب

وخلي ترابها ينبض بيكم

شمسها تضوي دوام بعنيكم

وشجرها يشرّش عإديكم

خلو نتاجها يزيد بعروقكم

وساعتها الخير هيغرقكم

ربنا بايديكم ينصركم

زاد غيركم عمرو ما يشبعكم

ونور غيركم بيطول ليلكم

ودا كلامي قلتو ورددتو

بس يا ريت تكونو سمعتو

وِلْمعناه تكونو فهتمو